«Алматыгазсервис-Холдинг» АҚ стратегиялық маңызы бар өнім – табиғи газбен Алматы облысындағы нысандарды қамтамасыз етеді.
Компанияның негізгі қызметі – тұтынушыларға табиғи газды тасымалдау және сату.
«Алматыгазсервис-Холдинг» АҚ әлеуметтік жауапты бизнес қағидаттарын ұстана отырып, Алматы облысының Қарасай, Жамбыл және Іле аудандарында орналасқан үш тұтынушы санаты үшін табиғи газды үзіліссіз және апатсыз жеткізуді қамтамасыз етеді:
- жеке тұлғалар – абоненттер;
- шағын коммуналдық кәсіпорындар, соның ішінде әлеуметтік маңызы бар мекемелер;
- өнім өндіруде табиғи газды пайдаланатын ірі өнеркәсіптік кәсіпорындар.
Компания алғашында 2003 жылғы 22 қыркүйекте «жауапкершілігі шектеулі серіктестік» ретінде құрылды.
2007 жылдың қыркүйегінде «Алматыгазсервис-Холдинг» ЖШС қосымша инвестициялар тарту мақсатында акцияларды бағалы қағаздар нарығында орналастыру арқылы «Алматыгазсервис-Холдинг» АҚ-ға айналды. «Алматыгазсервис-Холдинг» АҚ – барлық құқықтар мен міндеттердің толық мұрагері.
2008 жылғы 26 қаңтарда жалғыз акционердің шешімімен Компанияның басқару органы – Директорлар кеңесі құрылды, ішкі аудит қызметі жасақталды. 2008 жылғы 4 ақпанда өткен алғашқы отырыста Президент – Компанияның атқарушы органы сайланды.
2008 жылғы 14 мамырда ҚР Табиғи монополияларды реттеу агенттігі компанияға газбен жабдықтау жүйелерін пайдалануға лицензия берді.
2008 жылғы 18 маусымда №132-ОД бұйрығына сәйкес, компания Алматы облысы мен Алматы қаласындағы монополиялық субъектілер тізіміне енгізілді.
Барлық қайта құрулардың қисынды қорытындысы – басқару органының құрылуына байланысты акциялар проспектіне өзгерістер мен толықтырулардың тіркелуі.
Бүгінде «Алматыгазсервис-Холдинг» АҚ бұл:
- 380 жұмыс орны;
- Компания балансына тіркелген негізгі құралдар – 3 457 257 мың теңге;
- 2020 жылғы 1 қаңтардағы дерек бойынша – 2991,65 км газ құбыры желілері;
- соңғы 6 жылда 150%-ға өскен табиғи газды сату көлемі.
Компания қызметінің функционалды бағыттарына кіреді:
- табиғи газды соңғы тұтынушыға тасымалдау және жеткізуді қамтамасыз ету;
- жыл сайынғы келісім-шарттар негізінде «QazaqGaz» Ұлттық компаниясынан газ қабылдау;
- Компания балансына тіркелген газ құбырлары, ШГРП, ГРП және басқа да газ шаруашылығы нысандарын пайдалану;
- нысандарды газдандыруға техникалық шарттарды беру, жобаларды келісу, оларды қабылдауға қатысу;
- тұтынушылар балансына тіркелген газ жүйелері мен жабдықтарын техникалық қызмет көрсету, алдын-алу, жөндеу және іске қосу жұмыстарын келісім негізінде жүргізу;
- табиғи газды тұтынуға арналған есептеу құралдарын орнату.
Осылайша, «Алматыгазсервис-Холдинг» АҚ өз қызметінде жергілікті деңгейде газ саласының барлық функцияларын біріктірді, бұл табиғи газ тұтынушыларына қызмет көрсету арқылы кірістің өсуіне әсер етеді.
Компания қызметі Алматы облысының Қарасай, Жамбыл және Іле аудандарын қамтиды.