"Алматыгазсервис – Холдинг" АҚ газ есептеу құралдарын заманауи смарт есептегіштерге ауыстыру жұмыстарын қарқынды түрде жүргізіп жатыр

Бүгінде смарт есептегіштер Қараой және Алмалыбақ елді мекендерінде орнатылуда.

Қашықтан деректерді беру мүмкіндігі бар есептеу құралы газ тұтыну көрсеткіштерін автоматты түрде беруге мүмкіндік береді. Бұл ретте тұтынушыға көрсеткіштерді үнемі қолмен тапсырудың қажеті жоқ.

Смарт есептегіштерді енгізу — газ тұтынуды есепке алуды жеңілдетіп, қызмет көрсету үдерісін тиімді әрі ыңғайлы етуге бағытталған маңызды қадам.